Demostracion di proyectonan tecnico di EPI C&T

ORANJESTAD - Diabierna awor, 12 april 2019, EPI Ciencia & Tecnologia pa di 10 aña consecutivo lo duna demostracion di e proyectonan cu studiantenan di 2e klas a traha. 

Studiantenan di EPI Ciencia & Tecnologia ta traha riba nan proyecto pa e nochi di demostracion riba 12 di april 2019.Lo tin demostracion di 17 producto den e auditorium di EPI, unda e studiantenan lo demostra nan habilidad y conocemento di e estudio cu nan a scoge. Ya di augustus caba e studiantenan a forma grupo di maximo 4 studiante y nan mes ta scoge e producto cu nan lo traha riba dje. Prome nan a pasa den e keurmento di e producto y di e project plan. Despues nan por a cuminsa traha riba e producto.

Studiantenan di EPI Ciencia & Tecnologia ta traha riba nan proyecto pa e nochi di demostracion riba 12 di april 2019.E producto mester ta finalisa no mas tarda 9 april 2019. Nan lo demostra e productonan aki na tur studiante di MAVO y EPB di Aruba pa promove e estudio di techniek cerca nos posibel futuro studiantenan.

Prome cu esey, riba diaranson 10 di april, a invita expertonan tecnico di varios compania na Aruba pa evalua tur producto cu tin di haber cu nan ramo di trabou. E expertonan lo bay mas profundo den e parti tecnico y evalua e producto segun un scoring sheet p’asina por a saca e ganadornan tecnico den e tres ramonan di estudio.

Den e estudio di Bouwkunde tin 8 producto cu ta varia di “un stoel cu ta pega na bo curpa” y bo por uza tur caminda te na “un dinamo gigante cu bo ta cana den dje y genera coriente”.

Studiantenan di EPI Ciencia & Tecnologia ta traha riba nan proyecto pa e nochi di demostracion riba 12 di april 2019.Den e estudio di Elektrotechniek lo tin 7 producto cu ta varia di “un Online Automatic Animal feeder” te cu “un machine cu ta produci 3D hologram cu ta interactivo”.

Den e estudio di Werktuigbouwkunde lo tin 2 grupo cu ta “un Longboard cu motor” y “un converter pa un zaagmashin”.

Diabierna anochi 12 di april di 6:30 te 8:30, e studiantenan mester demostra nan producto na publico y cada bishitante por deposita su voto pa e mihor producto. Ta cera e anochi aki cu entrega di e premionan unda ta haya sa ken ta e ganadornan tecnico.

EPI ta invita publico en general y sigur tur studiante cu ta interesa pa sigui studia como tambe nan mayornan, pa bishita e Auditorium di EPI y wak kico nos studiantenan a traha y mes ora haya informacion di e estudionan cu nos ta ofrece.

Studiantenan di EPI Ciencia & Tecnologia ta traha riba nan proyecto pa e nochi di demostracion riba 12 di april 2019.