Departamento di Salud Publico ta haci un yamada na tur persona local of turista cu a bishita e barco Freewinds

ORANJESTAD –Departamento di Salud Publico ta haci un yamada na tur persona local of turista cu a bishita e barco Freewinds, entre 14 pa 29 di april 2019 pa tuma contacto cu nan. 

Freewinds den waf na ArubaSi bo a haya sintoma manera tosamento, wowo ta pika of bira cora y basha awa, nanishi ta core, rash y keintura prome cu dia 21 di mei 2019, por fabor tuma contacto cu e enfermeronan di Seccion di Malesanan Contagioso di Departamento di Salud Publico na 5224-224/237/236/261/264 of presenta na nos oficina na Avicenastraat 1, di dialuna pa diabierna entre 7:45 – 12:00 y 1:30 – 16:30. Den weekend por yama na cel 592-2009.

Sarampi Aunke e chens ta minimo cu nos localnan cu a subi e barco di Freewinds ultimo por a keda infecta, toch nos ta pidi, pa tuma contacto cu e Seccion di Malesanan Contagioso di Departamento di Salud Publico na 5224-224/237/236/261/264 of presenta na nos oficina na Avicenastraat 1, di dialuna pa diabierna entre 7:45 – 12:00 y 1:30 – 16:30 pa yena un formulario di investigacion y evalua e grado di riesgo pa cada persona individual.

Tur medico a haya un carta di alerta cu si nan haya patientnan cu e sintomanan ariba menciona, pa nan notifica nos Seccion di Malesanan Contagioso segun Ordenansa di Malesanan Contagioso.

Pa cualkier pregunta of informacion encuanto esaki, por tuma contacto cu Departamento di Salud Publico na nos Seccion di Malesanan Contagioso, telefon  5224-224/236/237/261/264 of via email na dbz@despa.gov.aw