Directie Natuur en Milieu (DNM) tambe ta forma parti di Milieu Samenwerkingsteam (MST)

Dit item is gearchiveerd op 21-04-2019.

ORANJESTAD - Na final di 2018, a establece un acuerdo di colaboracion entre diferente departamento di gobierno cu ta concerni cu e topico di Medio Ambiente.

Auto bieu riba tereno publicoE team ta hiba e nomber di Milieu Samenwerkingsteam (MST). MST ta consisti di siguiente departamentonan:

  • Korps Politie Aruba (KPA);
  • Bureau City Inspector (BCI);
  • Directie Volksgezondheid (DVG);
  • Dienst Technische Inspectie (DTI);
  • Serlimar;
  • Directie Natuur en Milieu (DNM).

E acuerdo  entre e departamentonan ta pa conhuntamente trata e tantisimo casonan di keho cu ta drenta na tur e departamentonan menciona y relaciona cu asuntonan di Medio Ambiente.

E kehonan ta drenta via telefoon, medionan skirbi manera email, accionnan di firma etc. E departamentonan ta reuni riba e kehonan y nan ta:

  • pone prioridad na esunnan cu urgencia;
  • ta asigna un di e departamentonan pa ta trekker;
  • ta consulta/busca e leynan cu ta concerni e asunto;
  • ta acerca esun cu ta haci su mes responsabel pa e hecho treci dilanti den e keho pa yega na un posibel solucion.

Saco di plastic y sushi benta den naturalesa

Hopi biaha ta trata di un vecindario cu ta sufri un molester. E kehonan cu ta drenta ta por ehempel:

  • cria di bestia den bebouwde kom;
  • keho tocante awa di pos riba caminda publico y tereno di hende, como tambe muhamento di mata cu awa di pos;
  • molester di sonido;
  • molester di autonan bieu cu ta trece sushedad y cu ta forma criadero di insectonan/djaka cu por causa malesanan contagioso pa hende.

Azeta benta den naturalesaMayoria biaha KPA y DVG ta atende kehonan di criamento di bestia den bebouwde kom. Segun articulo 20 y 30 di Algemene Politie Verordening (APV) ta  prohibi pa cria bestia den bebouwde kom. E ta forma, no solamente, molester pa vecindario, pero tambe por trece cune malesanan contagioso pa hende.

DVG y BCI ta atende cu kehonan tocante awa di pos di vivienda. E actonan aki ta contra articulonan 16, 17, 23 y 27di APV. Tin kehonan ta drenta contra companianan cu ta benta awa di pos of di laundry. DVG y DNM ta atende e kehonan aki. DNM ta duna asistencia cu testnan unda ta necesario pa substancia/confirma e casonan.

KPA y DVG ta atende casonan di molester di zonido. E ley di Hinderlijke geluidenverordening ta aplicabel den e casonan aki. Den e caso aki ta acerca DTI tambe pa coopera cu midimento di zonido.

Taira bieu tira riba propiedad publico

Pa asuntonan di autonan bieu riba tereno of banda di caminda, KPA, BCI y si ta necesario Serlimar ta trata e kehonan aki. KPA ta tene su Bario Rechercheurs na altura di tur e accionnan cu nan lo tuma den bario. Semper ta purba di yega na un solucion y ta busca e cooperacion di tur envolvi. Sa sosode cu ta referi algun caso na Openbare Ministerie (O.M.) por medio di un procesverbaal. Esakinan ta casonan cu lo por culmina cu un sancion.

DNM lo sigui informa comunidad pa nan ta al tanto di e leynan cu ta rconcerni cuido di nos medio ambiente.