Full House na Open House di Universidad di Aruba

ORANJESTAD - Diasabra mainta 6 di april 2019, Universidad di Aruba (UA) a habri su portanan pa tur esnan interesa pa inscribi pa e aña academico 2019-2020.

Despues di un caluroso bonbini, UA a ricibi e futuro studiantenan di tur edad den e area tropical publico situa pafo di e campus.

Open dag Universidad di ArubaCada un di e mesanan instala tabata representa un di e areanan principal di estudio di Universidad.

Nan cada mesa studiante como profesor prominente di cada facultad tabata accecibel pa pregunta. Por a identifica nan facilmente na nan t-shirt diseña pa studiante di UA.

Open dag Universidad di ArubaNa cuminsamento e studiantenan tabata poco timido, pero despues nan a drenta e area publico. Cuminsa un fase nobo di bo educacion ta un experiencia cu por haci bo poco nervioso.  Universidad di Aruba ta orguyoso di sa con pa pone hende sinti nan mes bonbini. Tanto e graduadonan di scol secundario como e profesionalnan cu ta traha y kier avansa den nan carera, tabatin acceso facil na informacion tocante e 7 areanan di concentracion di estudio di universidad.

Open dag Universidad di ArubaAlgun participante tabata sa exactamente kico nan kier studia, nan a para den rij na e facultad di nan interes. Otronan a cana rond un poco, absorbando tur e opcionnan di educacion avansa cu UA ta ofrece. Durante e dos sesionnan cada facultad a suministra mas detaye cu un splicacion cortico pa duna un bista general di nan programa. 

Universidad di Aruba tin un acercamento hopi progresivo pa cu educacion. Nan ta un institucion academico cu ta pensa adelanta y ta ofrece un experiencia educativo cu ta duna e studiantenan un base academico firme y ta atende cu e necesidadnan specifico di e comunidad Arubiano. UA tin algo pa tur hende!

Open dag Universidad di ArubaE atmosfera di e ‘open house’ tabata festivo.  Asina e siguiente generacion di alumno di UA tabata cuminsa haya nan luga memey di e comunidad academico di UA.

Mas di un studiante a bisa cu e evento tabata mas cu un ‘open house’- tabata sinti manera bo a yega cas.

Pa mas informacion tocante eprograma academic di UA bishita www.ua.aw of sigi nan ariba  Facebook of Instagram.