Mercado di buki segunda mano riba Dia di Rey

Dit item is gearchiveerd op 23-05-2019.

ORANJESTAD - Pa e amantenan di buki biblioteca ta organisa su Mercado di buki segunda mano diasabra dia 27 di april cu ta Dia di Rey, di 9 ‘or pa 2 ‘or di merdia.

Foyeto mercado di buki BibliotecaBishitantenan por busca for di un coleccion grandi di buki pa adulto y pa mucha di tur topico. Biblioteca ta bende buki na hopi bon prijs manera ta custumber riba biblioteca su Mercado di buki, un evento anual hopi popular. Tambe tin cos dushi, snacks, co’i bebe na benta. Esaki ta un actividad festivo den un ambiente dushi.

Ad mercado di buki BibliotecaEntrega buki sin paga boet

Miembronan di biblioteca cu tin buki na cas por entrega buki e mainta aki sin paga boet. Biblioteca ta desea di haya tur su bukinan bek pa asina por sigui circula nan den comunidad. Tur hende ta bon bini diasabra mainta.