Minister President Evelyn Wever-Croes ta bek di biahe di trabou di 10 dia na Europa

ORANJESTAD – Prome Minister Evelyn Wever-Croes tabata pa un periodo di un siman y mey na Europa.

E tabata un biahe fructifero unda a haci palabracion di trabou concreto.

TALLINN, ESTONIA

Prome minister durante e-Governance conference na TallinBiahe di Prome Minister Evelyn Wever-Croes a cuminsa na Estonia unda cu e la atende e e-Governance Conference. E tabata un di e oradornan den e panel. Aruba a cera un convenio cu e e-Governance Academy di Estonia pa asisti cu e roadmap pa yega na e-Government. Integridad y innovacion ta e punto central di Gobierno di Aruba y e-Government ta trece e transparencia necesario den e forma di actua di gobierno loke ta necesario pa duna apoyo na e trayecto di integridad. Ademas e-Government lo contribui pa  yega na un toma di decision mas liher loke ta necesario a promove nos economia.

Prome minister ta entrega reconocimento na Dave BentonNa Estonia Prome Minister tambe a reuni cu e Presidente Kersti Kaljulaid. Ademas a entrega un reconocimento na Dave Benton, kende na 2001 a gana e Eurovisie Songfestival pa Estonia. Prome Minister ta wak atras riba combersacionnan fructifero y ta anhela un bon cooperacion cu Estonia.

DEN HAAG

Despues Prome Minister tabata na Den Haag pa entre otro reuni cu Premier RutteSecretario di Estado Stef Knops, Minister President di Aruba Evelyn Wever-Croes y Premier Mark Rutte, Secretario di Estado Knops, Eerste Kamer y Tweede Kamer. E meta ta pa enfatisa cu e crisis na Venzuela tin impacto grandi riba e islanan di Aruba y Corsou. E crisis no ta solamente di Venezuela, ni di e region, pero ta un crisis mundial y unda comunidad mundial tin cu yuda pa cargo e peso y e gastonan. Prome MInister ta masha contento cu e hecho cu gobierno Hulandes a reserva 23.8 million euro pa e crisis aki, esta cu experticio y material. Impacto di e crisis na Venezuela riba finansas publico ta substancial. Lo haci un evaluacion despues cu e cifranan di e prome mitad di aña ta conoci. Segun Prome Minister ta importante cu na Den Haag nan ta tende di dje con e situacion na Aruba ta, p’asina nan ta mihor prepara pa yuda nos.

ROMA

Prome Minister di Aruba riba adiencia priva riba invitación cu Papa Franscisco na Roma.Prome Mnister a finalisa su biahe na Europa cu un audiencia priva riba invitacion cu Papa Franscisco na Roma. Durante e audiencia Prome Minister a informa tocante Aruba y riba e crisis na Venezuela. E Papa sa di e situacion y a duna un bendicion special na Aruba, Boneiro, Corsou y Venezuela riba peticion di Prome MInister.

Prome minister ta entrega presidente di Estonia un buki tocante Aruba