Prolongacion entrega formulario Registro di Personal 2018-2019 te cu 31 mei 2019

ORANJESTAD – Departamento di Labor (DAO) informa cu a prolonga e fecha pa entrega registro di personal te cu 31 mei 2019.

Despues di e fecha aki, NO lo duna mas prolongacion. Segun articulo 30 di Ley di Labor 2013 (Arbeidsverordening 2013) prome inciso e dunado di trabou ta obliga di entrega e registro di personal na Departamento di Labor (DAO).

E registro di personal ta consisti di tres parti:

  • Modelo 1A e personal actual manera registra na december 2018;
  • Modelo 1B e necesidad pa personal pa 2019 
  • Modelo 1C y e necesidad di personal pa cada proyecto 

Adhunto por haya e formulario necesario.

E aña aki e unico forma cu por entrega e Registro di Personal ta den e forma digital. Tambe por haci un peticion via via e-mail adres aanvraagpr@gmail.com y DAO lo mail bo e formulario

DAO ta haci un peticion pa hinca e datonan den e formulario digital, segun e modelo stipula pa ley  y manda nos esaki na e e-mail adres arbeidsmarktonderzoekaruba@gmail.com.

Tene na cuenta cu entrega d’e Registro di personal 2018-2019 ta obligatorio.  Despues di e periodo di entrega aki DAO lo por aplica un sancion administrativo di Awg. 5000,- pa incumplimento cu entrega di e Registro di Personal.

Si tin mas pregunta tocante e Registro di personal por tuma contacto cu Sra. Louisetty Croes na 5237722 of via email louisetty.croes@aruba.gov.aw of c’un funcionario di Bureau Arbeidsmarktonderzoek na 5237720.