DNM ta pidi cooperacion di comunidad pa conhuntamente monitor y proteha e shoconan

ORANJESTAD – Riba 6 di september 2019, ta cumpli 1 aña cu Directie Natuur en Milieu (DNM) a haci un yamada na publico pa yuda cu registracion di nos shoconan.

Neishi shocoE cooperacion tabata positivo di cual a logra haya 60 registracion y asina DNM por a localisa mayoria neishi pa nan haya mas proteccion.

Despues di e yamada publico, DNM a tag mayoria di e neishinan y asina a bira posibel cu por a monitor sporadicamente e neishinan cu a localisa. Den transcurso di aña por bisa cu a constata parehanan cu yiu.

Di e meldingnan di cual e neishi tawata na peliger a atende cu tur. DNM na varios ocasion mester a duna conseho na habitantenan cercano, cu tawata dispuesto pa yuda y coopera cu nan tereno, door di pone seronan di santo pa e shoco tin mas opcion unda e por traha hol.

ShocoDNM ta compronde cu hopi hende ta prefera rosa tereno ora di traha cas pero mester tene cuenta cu e shoco y nan neishi cu ta proteha pa ley. Pa ley ta prohibi pa destrui un neishi di shoco y si constata cu a comete e acto di vandalismo, esun cu a haci’e tin cu para responsabel pa su actonan y carga cu consecuencia.

DNM y otro instancianan a pone aviso na algun localidad p’asina hende ta consciente di nan actonan den e area y pa eherce cautela. Pues tene cuenta cu por tin neishi den e areanan aki. Tambe den areanan di construccion prome cu coy santo, cana rond di e serito di santo pa wak si tin hol di Shoco traha eyden.

DNM ta para firme tras di e proteccion di shoco y por haci esey solamente cu sosten di e comunidad henter.  Por sigui meld neishi di shoco na DNM via telefon 584-1199 puntra pa Yesenia (Yessy) Farro Arends of Yahaira Jansen Geerman. Tambe por meld esaki via e plataforma Infraruba.com.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki 

Page options