Demas relacion

Gobernador

Gobernador por delibera semper cu su coleganan Gobernador di Corsou y Sint Maarten tocante di ehecucion di su cargo. Ademas e ta tene contacto directo cu Gobierno di Reino relaciona cu ehecucion di ley di Reino y medida di Gobierno di Reino.

Minister Plenipotenciario na Hulanda

Minister Plenipotenciario di Aruba ta estableci na Hulanda y e no ta forma parti di Conseho di Minister na Aruba. E tin un funcion importante den e reunionnan di Gobierno di Reino. Fuera di esaki, Minister Plenipotenciario ta defende otro interesnan di Aruba na Hulanda y e resto di Europa. Den cuadro di desaroyo economico di Aruba, e ta purba hunto cu e empleadonan di Cas di Aruba na Den Haag pa haya companianan interesa pa bin establece nan mes na Aruba. Tambe e ta lobby pa haya financiamento pa proyecto na Aruba. Banda di e representacion aki, Minister Plenipotenciario ta encarga cu asunto di e Arubianonan biba na Hulanda. Den otro palabra Minister Plenipotenciario ta un sorto di embahador di Aruba na Hulanda.

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki