Rey y Gobernador

Rey Hulandes ta encabesa Reino Hulandes y e cuatro paisnan, cu conhuntamente ta forma Reino Hulandes. E Rey ta wordo representa na Corsou, Sint Maarten y Aruba door di un gobernador, pasobra e Rey ta biba na Hulanda. Corsou, Sint Maarten y Aruba tin nan propio gobernador, cu ta representa e Rey como cabes di nan gobierno.

Rey

E “Rey” constitucional por ta sea un hende homber (rey) como un hende muher (reina). Señora di un rey por wordo yama reina door cu custumber y tradicion di casnan real ta fiha cu e hende muher por uza e titulonan di su casa. Custumber y tradicion di casnan real no ta fiha algo asina pa e hende homber casa cu e Reina y pa evita confusion cu e concepto di e “rey constitucional”, e casa di e reina no ta wordo yama rey. Den casonan cu un reina a casa, e casa di e reina a haya e titulo personal di "Prins der Nederlanden".

Ora tin un Reina (un hende muher ta e “Rey constitucional”) e palabra “Rey” ta wordo cambia pa e palabra “Reina” den tur formulario, titulo y denominacion oficial.

E Rey ta forma parti di gobierno segun ley fundamental di Reino Hulandes. E Rey ta hasi bishita di estado, ta ricibi embahador y ta simbolisa e unidad como e cabes di estado. Tambe e Rey ta e representante di estado. Tratado cu otro paisnan ta wordo firma den su nomber.

Conhuntamente cu e ministernan e Rey ta forma e Corona (de Kroon). E Rey ta simbolisa e unidad di gobierno y den e calidad aki e ta esun cu ta ratifica leynan y ta nombra burgemeester y minister. En general den e papel aki, contraseign di un ministro of secretario di estado (staatssecretaris) ta rekeri.

Link(nan) externo:

http://www.koninklijkhuis.nl 

Gobernador

Tambe e gobernador ta representa e Rey como hefe di Gobierno di Reino. Den e funcion aki e ta controla como ‘organo di Reino’ si gobierno ta actua conforme ley.

Gobernador di Aruba ta e representante di e Rey como hefe di Gobierno di Reino.

E tareanan di Gobernador ta:

  1. Representa interes di Reino Hulandes;
  2. Encabesa gobierno di Aruba.

Sinembargo e no ta forma parti di GobiernoArubano. Durante di formacion di gobierno e ta hunga un rol importante. Mescos cu na Hulanda, e Rey tin derecho riba inmunidad, Gobernador tambe tin derecho riba inmunidad y ta e ministernan ta responsabel. E Gobernador ta wordo nombra door di hefe di estado pa un periodo di seis aña. Por prolonga e periodo un biaha despues di terminacion (pues maximalmente diesdos aña).

Conseho di Consulta (Raad van Advies) ta asisti e Gobernador. Conseho di Consulta ta consisti di por lo menos 5 miembro cu ta nombra door di gobernador y ta duna conseho tocante tur proyecto di ley, ordenansa di estado (rijkswet), ordenansa nacional, decreto nacional cu ta contene medida general (ham) y por estilo.

Su tarea di controlado como ‘organo di Reino’ ta regla den e Reglamento di Gobernador.

Su tarea como hefe di gobierno ta regla den Constitucion.

Link(nan) externo:

"http://www.kabga.aw"

Fuente: wikipedia.nl

Nos ta traha hunto pa un portal Gubernamental pa Aruba, ku ta informativo, accesibel, y facil den uzo.
Algu di comenta? Click aki